Lundur

Kæra fjölskylda - Hjartanlega velkomin á Lund! Við hlökkum til að eiga samstarf við ykkur.

Á Lundi eru 22 nemendur á aldrinum 3ja til 5 ára og 5 kennarar.

Gildi Maríuborgar, LEIKUR – SAMSKIPTI – NÁMSGLEÐI, eru okkar leiðarljós í námi og starfi.

LEIKURINN er:

Lífstjáning barnsins.
Náms- og þroskaleið barnsins.
Leikurinn á að reyna á andlega og líkamlega færni barnsins.

SAMSKIPTI:

Í gegnum leikinn lærir barnið samskipti
Barnið lærir að leysa deilur á farsælan hátt
Barnið lærir að sýna öðrum virðingu og umburðarlyndi
Barnið temji sér góða umgengni

NÁMSGLEÐI:

Gleði og gaman í daglegu starfi og lífinu

Við vinnum líka með dygðir á Lundi, en þær eru:

ÁBYRGÐ – ÁREIÐANLEIKI – GLAÐVÆRÐ – HJÁLPSEMI – HÓFSEMI – HUGREKKI – KURTEISI – SAMKENND – SKÖPUNARGLEÐI – VINSEMD – VIRÐING – ÞOLINMÆÐI

Við vinnum mikið með vinsemd á haustin og svo tekur önnur dygð við eftir áramót. En við notum allar dygðirnar þegar við á.

SKÓLASTUND: Elstu börnin á Lundi eru öll í skólahóp og viku vinna þau með Snillingaheftið þar sem þau eru að læra um tölustafina og bókstafina.Við erum einnig í góðu samstarfi við Ingunnarskóla og Sæmundarskóla en þangað fara tilvonandi nemendur í heimsókn einu sinni í mánuði.

Kærar kveðjur