Í dag fór útskriftarhópurinn í útskriftarferð í Viðey. Farið var með rútu að Viðeyjarferjunni og ferjan tekin yfir. Labbað um eyjuna. Leikið, grillaðar pylsur og fengu börnin prins póló og sápukúlur :) Heppnin lék með okkur því veðrið var með ágætum gott og sólríkt. 

Útskrift elstu barnanna fór fram 11. júní og tókst með ágætum. Börnin stóðu sig afar vel og sungu nokkur lög og það voru stoltir foreldrar sem fylgdust með athöfninni. Börn, foreldrar og kennarar áttu góða stund með kaffi, safa og veitingum að athöfn lokinni. 

Það var mikið fjör á Læk í morgun eins og sjá má á meðfylgjandi mynd sem tekin var í hópastarfi. Þar var búið að teppaleggja með maskínupappír á gólf og vegg. Börnin teiknuðu og lituðu á pappírinn. Bros og vinnugleði sást langar leiðir 😀

Ný nöfn á kjörnum (deildum)

Þar sem Seljaborg starfar ekki lengur í anda Hjallastefnunnar og Kjarni vísar til stefnunnar var ákveðið að breyta nöfnunum á deildunum. Fram fór lýðræðisleg kosning á milli kennara Seljaborgar og niðurstaðan var eftirfarandi:

Gulikjarni = Lundur

Bláikjarni = Tjörn

Grænikjarni = Lækur

Allt ákaflega falleg nöfn sem vísa til náttúrunnar.